1- شكلها حلو و هتحقق الغرض المطلوب منها
2- شكلها سىء ولن تحقق الغرض امطلوب منها
3-شكلها محتاج تعديل علشان تبقى حلوه
4-ملهاش اى لازمه والقديمه افضل
http://www3.0zz0.com/2008/02/17/17/952014906.jpg
http://www3.0zz0.com/2008/02/17/17/411486234.jpg
1- شكلها حلو و هتحقق الغرض المطلوب منها
2- شكلها سىء ولن تحقق الغرض امطلوب منها
3-شكلها محتاج تعديل علشان تبقى حلوه
4-ملهاش اى لازمه والقديمه افضل
http://www3.0zz0.com/2008/02/17/17/952014906.jpg
http://www3.0zz0.com/2008/02/17/17/411486234.jpg
من وجهه نظرى الشخصيه تصميمها سىء ومش عاجبنى خالص
راي انها قبيحة
واكبر مشكلة هاتقابل الكلمات المحرجة المكونة من 3 حروف
اعتقد هاتبقى في حساسية جامدة
تاني حاجة عشاكر المرور وطبعا انا قاصد عشاكر دي
هل اللي طبع اللوحات دي واثق ان العسكري اللي بيكت الارقام بالشبه هايقدر يكتب الحورف وهو ما بيعرفش يقرا ويكتب
ويا ترى هايكتبها بس ولا تس تس ولا تش
والله يكون في عون اللي هايخد حروف كلها نقط
هايجله نقطة من كتر المخالفات اللي هايشيلها
رأى الشخصى هى مش حلوة قوى لكن حتقضى الغرض و هو عدم الوصول لثمانية أرقام لإن الأرقام السبعة خلاص على وشك تخلص لكن بالطريقة دى حيبقى قدامهم كتير لحد ما تخلص
لكن يا ترى الألوانو الأحرف ترمز لإيه ؟
اكيد لا ترمز لشيء و كل واحد هالونها على مزاجه
يعني طبقنا النظام الذي تم تطبيقه في السعودية من 11 سنة
وكالعادة طبقناه بطريقة قبيحة
قد يكون الرأي في الشكل متسرع وقريباً نستطيع الحكم
يعععععععععععععععععععععععع ععع
بس لو لازم يعنى............أنا عايز نمرة نفس لون عربيتى
مع كريم فى النقطة دى بذات .. شفت مرة فى السعودية عربية عليها " ع ج ل " وبصراحة مقدرتش امسك نفسى وكانت مسخرة بس ربنا ستر ....اقتباس:
واكبر مشكلة هاتقابل الكلمات المحرجة المكونة من 3 حروف
اعتقد هاتبقى في حساسية جامدة
المشكلة الحقيقية فى المخالفات ودرجة تعليم عسكرى المرور اللى يبنقل الارقام غلط حيعمل ايه فى الحروف ، اروح انا لوكيل النيابة أقوله أيه دى بقى يا "تس يا بس "
متهيألي انا ان الازرق ملاكي و البرتقالي اجرة و الاخضر دبلوماسي الاصفر نقل انا فاكر قالوا كده فب البيت بيتك و عرضوا الباسبور الجديد و شكله حلو بالمناسبة انا شايفها احسن و اظن انها من اول اغسطس
بمناسبة اللوح
http://www.masrawy.com/News/Various/...17/422460.aspx
شكلها حلو......يعنى جت على اللوح المهم العربية....يعنى انا لو اشتريت عربية دلوقتى هتجيلى اللوحة الجديدة؟
ارقام و محافظات احسن .. الدوله لسه طابعه دفعات جديده من ارقام و محافظات .. انا نفسي لسه صارف النمر الكمبيوتر بتاعتي مكملتش سنه ... و مش ناوي استغني عنها (نمر مميزه برضه .. 1441) .. و هاحتفظ بيها علي قد ما اقدر .. دي الدوله معاها ميزانيه مستغنيه عنها و عملولهم افتكاسه جديده بيها .. و عامه لو رسيت علي كده انا اجيب عربيه تريبتك و اشتري دماغي .. لان بصراحه اللي يركب عربيات هنا لازم تكون اعصابه حديديه ...من مخالفات و بلاوي و رسوم و مش عارف ايه .. يا كده يا اسلكلي بعربيه هيئه دبلوماسيه ...
اكيد افضل من اللوحات السابقة او بمعنى اصح اليفط السابقة ويكفي ان حجمها هيكون اصغر.
الحاجه الغريبه فى الموضوع انه بيقولوا انها بتتركب بطريقه معينه ولازم المرور التابع له العربيه هوا اللى يركبها ولو حد حاول يشيلها من مكانها هاتتكسر زى الزجاج ازاى معرفش !!!! وبالنسبه للالوان فاللون اللبنى للملاكى واللون الكحلى للشرطه واللون الاخضر للهيئات الدبلوماسيه واللون البرتقالى للاجره واللون الاصفر لعربيات السياحه والجمرك واللون البنى للنمر التجاريه واللون الاحمر للنقل والجرارات الزراعيه .......... وعلى كل لون ياباتيستا
إيه القرف ده
الحروف بالعربى !!!!!!!
كده هتطلعلنا كلمات ممكن تكون محرجة أحياناً و بصراحة مش فاهم فيها إيه لما يعملوها إنجليزى على الأقل تبقى أوضح و مأظنش حد فى مصر ميعرفش Abc
كمان الحروف العربى بتبقى قريبة من بعض فى الشكل و سهل التلاعب فيها زى ال ح و ال خ أو ال ت و ال ث ......... مش فاهم هما بيفكروا بالشقلوب ولا لو عملناها إنجليزى يبقى بنضيع هويتنا العربية .... ناس غريبة .
رأيى شكلها قبيحة و الحالية أفضل
أو نعمل واحدة زى بتاعة ليبيا أو السعودية أو الإمارات .. متهايألى نفس التكلفة لو غيرنا الحروف !!!
أسف السعودية بالأحرف العربى برضه ...... لكن النتيجة إتذكرت فى مشاركة أحد الأعضاء فوق
اقتباس:
مع كريم فى النقطة دى بذات .. شفت مرة فى السعودية عربية عليها " ع ج ل " وبصراحة مقدرتش امسك نفسى وكانت مسخرة بس ربنا ستر ....
رأى انها وحشة اوى اوى و القديمة احلى بكتييييييييير
يا عم دا العساكر مابيعرفوش يقروا و يكتبوا عربي و هيشبهوا علي الحروف
ما بالك بقي لو كان إنجليزي بقي ............
و كمان الإنجليزي فيه حروف شبه بض في الشكل زي U و V و في الكتابه ال r بتبقي شبه ال V
و كمان ال Q شبه ال O و ال M و N و كمان ال I و L
و حجات كتير يا باشا
هي عموما الحروف العربي بتعمل مشاكل كتير و خصوصا الكلمات الي مش ظريفه يعني انا وفت بلاوي لما كنت في السعوديه بس انا متأكد ان الل مش ان أحنا نكتبها بالإنجليزي يعني
رأيي الجديده و القديمه وحشييييين جداااااااا
شوفوا لوحات السعوديه الجديده
http://www.yabdoo.com/users/476/gallery/670_p64331.jpg
انا شايف ان اللوح القديمة كويسة لو اتعمل عليها بعض التعديل. انا بشوف ناس عملينها سودا ورفيعة وشكلها تحفة بس مش عارف بيجيبوها منين وهل فيها سحب رخص ولا لأ
هنا في الجزائر بيستخدموا لوحة ارقام ممتازة بتنقسم ل 3 اجزاء
الجزء الاول يشمل كود المحافظة او الولاية كما يطلقون عليها
الجزء التاني 3 ارقام تشمل نوع المركبة وسنة الصنع يعني مثلاُ 103 معناها سيارة ملاكي موديل 2003
الجزء التالت هو رقم السيارة وده ممكن يكون 3 او 4 او 5 ارقام
وانا شايف بصراحة النظام ده ممتاز وكله ارقام مافيش ملاكي القاهرة ولا حروف ولا اي حاجة ممكن يكون فيها لغبطة
مفيش بجد من رأى احلى من اللوحات بتاعت اوروبا
الوانها جميلة و بسيطة و شكلها انسيابى و حلو
http://www.autospies.com/images/user.../SNAG-0089.jpg
تعبانة اوي
سبكم يا جماعه من الشكل اهم حاجه اهم متكنش فيه حوار تلات حروف ورقم الحوارت دى
زى اربع ارقام يبقى وكيل نيابه وخمس ارقام مميزه يبقى ظابط والحوارت دى ياريت تبقى كلها واحده ومفهاش كوسه قولوا يارب
شكلها مش حلو و الوانها مش تمام و حتعمل لخبطه.
و حاجه كمان برضه بالنسبه للحروف العربي و ترجمتها بالانجليزي يا تري حيعملو ايه في ال (د) و ال(ض) مثلا و حرف زي ال (ش) ؟؟؟
و بعدين الفونت بتاعها شكله وحش اوي و كبير جدا .
بجد مش حلوة كتصميم وعمليا ح تلاقى حروف تهلك من الضحك لما تقرأهم مثل ج ح ش-- ع ج ل--ب ق ر -- ك ل ب - ط اخ -- ط و خ وغيرها من الحركات دى ...هنا فى السعودية بنهرب من الاحرف التى تصنع كلمة غريبة او مش محبوبة
يا جماعة انا شايف ان إذا كان لازم نحط حروف يبقي الأفضل تكون بالعربي فقط وده مش عشان الهوية العربية و الكلام ده و لكن عشان نفس النظرية بتاعت تكوين كلمات .فاللغة العربية مفيهاش مشبك و مفرط بعكس اللغة الإنجليزية .وتخيلو واحد يجيله كلمة Dog,bug,sex,hot,cow,rat..... مهي برضه حتبقي مش لطيفة ابداً وحتكون اوضح من الثلاث حروف العربي
من ناحية اخري الي قلقني مش شكل النمر المفروض ان كل العربيات حتركبها يعني كله حيبقي وحش لو هي وحشه وكله حيبقي حلو لو هي حلوه وده ميزة مش عيب بدل مكل واحد مركبلي لون شكل و فونت شكل و احياناً مش مركب من الأساس
المشكله انه حتتركب بمعرفة المرور ...وتخيلو بقي واحد غبي يبوظلك العربية ويجرحالك مثلاً وهو بيركب او انه عايز يركبها في حته و انت عايز تركبه في حته تانيه ...مين الي كلامه حيمشي .انا مثلاً بركب النمر الأمامية علي الدفيندر عشان تكون واضحه ...ممكن ييجي المفتكس بتعهم يقولي شيل الدفندر عشان اركبها علي الإكصدام مثلاً واعتقد ان اغلب الماتريكس حيكون عنده نفس المشكله
كمان افرض ان وانتا بتركن ريحت علي السيارة الي امامك او خلفك ...مش ممكن المسامير الي بيقولو عليها تتكسر ؟؟؟
افتكاسة اخرى من المصريين... الصبر يا رب
فكرتى الموضوع جدة بحوار بينى و بين واحد صاحبى لما شوفنا الBMW الفئة الخامسة الجديدة لاول مرة فى الشارع
صديقى قاللى: عارف اوحش حاجة فى العربية ايه؟
قولتلة: ايييييه؟
قاللى: النمرة بتاعت مصر
MMamdouh
مش مهم الشكل ولا اللون ولا العربى ولا الانجليزى ...
المهم حاجة واحدة بس ...
ان الناس فى مصر تلتزم بيها وتبقى كلها شكل موحد .....
المهم مايحصلش المسخرة اللى بتحصل فى مصر دايماً وكل واحد يحط النمر بالشكل اللى يعجبه هوا ...
واحد يعملها بلاستيك ويحط عليها " مجلس الشعب " .
وواحد يعملها معدن ويحط عليها " هيئة قضائية " ............... إلخ .
المهم حاجة واحدة بس ............ الالتزام والشكل الموحد .
انا مش فاهم ازاى غير قابله للتزوير ... فيها ايه يعنى ... الحاجه التانيه امتى هايتم تطبيقها واللى مسافر زى حالاتى يعمل ايه؟
على فكره اللوحات دى موجوده فى السودان من 5 سنين على الاقل وفعلا ساعات تلاقى تركيبات حروف مضحكه جدا
اعتقد حيبقى فيه مشاكل كتير بسبب الحروف اللى ممكن تتركب على كلام مش كويس... انا حطيت عينة فى حدود الادب... تخيلوا اللى مش مؤدب حيبقى عامل ازاى؟؟
دا غير انة بيفتح مجال لتجارة اللوحات المميزة زى اللوحات اللى حروفها اسم عربية او اسم شخص
http://i83.photobucket.com/albums/j3...douh/funny.jpg
MMamdouh
اللوح الجديدة قبيييييييييييييييييييييحح ححححححححححححححححححححححححح حة جدااااااااااااااااا
القديمة أحلى بكتير
مش فكره قبح
فكره وجود لوحه بيانات باربع الوان كل لون معروف صاحبه
يعني ملاكي ازرق
هيئه سياسيه اخضر
نقل احمر
جيش شرطه امندوله جن ازرق تابع للحكومه بني
انا رايي انها احسن بكتير
انا شايف ان احنا احلى شعب بيقلد وخلاص
انا شايف ان الفكرة كويسة لكن اللوحة نفسها شكلها مش قد كده , اظن ان الحاجات اللي زي كده المفروض تعدي على حد من فنون جميلة بحيث شكل اللوحة يكون فيه شئ من الجمال
مين موافقني في رايي ده؟
اقتباس:
انا شايف ان الفكرة كويسة لكن اللوحة نفسها شكلها مش قد كده , اظن ان الحاجات اللي زي كده المفروض تعدي على حد من فنون جميلة بحيث شكل اللوحة يكون فيه شئ من الجمال
مين موافقني في رايي ده؟
+10000000000000000
مش عارف شبه السعودية اوي
يعني دا الكويت عاملة لوح بالانجليزي زي دبي
متهيألي الانجليزي احسم بكتير من شغل الحروف دي!!
الاخوه المعترضين
نحن بلد عربي يجب ان تكون كل مظاهر حياتنا معبره عن انتماء للغة العربيه. الحروف العربيه اجمل الف مره من الللاتينيه. وبعدين المعترض اللي بيقول ان الحروف فيها متشابهات وان اللاتيني اسرع في القراءه يعني هما عساكر المرور بيعرفوا عربي لما حيعرفوا انجليزي.
والله حاجه تفرس بصحيح